Jorda er vårt opphav og vår endestasjon. Men korleis har molda prega skjønnlitteraturen? Og kva kan me gjera for å berge det livsviktige jordsmonnet når me nærmar oss slutten på ei tid som byrja med mekaniseringa av jordbruket? John Steinbeck har mogleg eit svar å gje.

Bøndene må ikkje berre redda jordbruket. Dei må også redda litteraturen.

I store jafs grov dei oransje brøytemaskinane seg fram der nevane til jordmannen før var makteslaus, og ein gamal bondedraum gjekk i oppfylling av å sjå det grønka omkring der vinden ein gong sopte over vasskald jord.